Jebb.... fer á morgun.. verð fram á þriðjudag..

Heimsækja frænku mína sem býr þar..

Já.. það væri gaman að kíkja á Frænks í Innsbruck! Ætla að hugsa þetta í kvöld...

Þrifakonan mín (A.K.A. Lydia), harðdugleg eldri kona kom á mánudag til að aðstoða frúna við heimilisverkin.
Þar sem ég þarf einungis að borga henni 700 krónur fyrir hvert skipti.. (350 úr eigin vasa) fyrir 3-4 klukkustundir fæ ég hana í hverri viku. Ég tippsa hana þó alltaf ríflega eða um ca 200 krónur.)

En hún sem sagt var á fullu að þrífa og þurka af og ég fór bara í skólann.. Það væsir ekkert um mann hérna.. Kannski ræð ég kokk líka?
En svo gleymi ég símanum heima. Ég kom ekki heim aftur fyrr en 23, lærði upp í skóla allan daginn,  og sá þá missed call frá Lydíu.. og sms.. kimenni blabla ungverska.. sem ég skildi ekki alveg..
Daginn eftir sagði Bjartur roomie við mig.. VAKA þú læstir greyið Lydíu inni!!!!
Ég fékk hálfgert sjokk... ?? HA? nei?
Þá hafði hann sem betur fer þurft að skreppa eitthvað heim um tvö leytið.. ætlaði annars ekkert heim fyrr en um kvöldmat.. Opnaði fyrir aumingja konunni sem hafði ekkert haft betra að gera nema þrífa.. En húsið var hreint.. eeeeextra hreint og glansaði og ilmaði..
 
Ég er nú ekki það mikill Nasisti að vilja halda konunni í gíslingu!
Ef maður læsir hurðinni okkar utanfrá er ekki hægt að opna hana innan frá.. En kannski maður geri þetta aftur næst svo hún þrífi svona vel aftur?

San Francisco ferðin var sérlega vel heppnuð í alla staði!! Læt myndirnar tala sýnu máli.. skelli fleirum inn fljótlega..



  

 

 

 

http://www.youtube.com/watch?v=X0r84oCExAM

Jebb.. Pathology check!

Þetta próf er í fjórum hlutum og er einn parturinn krufning, skriflegt próf, þriðji hluti vefjafræði og svo munnlegt próf!

Ég fékk prófessor SVEPP.. eða Gomba..  í munnlega prófinu. Gekk bara vel.. fékk 4 í lokaeinkunn sem er einkunn upp á 80-90 prósent

Þá er það bara internal medicine eftir.. Og svo er ég stungin af til San Francisco!

Feeling good..

 

Vaka Kristín

 

 

 

 

Breki Hundurinn minn... Að naga svínseyra

Við systkinin

 

 

Ég og Þórunn systir

 

 

 

 

 

You need 152.41 cans of Pepsi Max to KILL you!!!!

 

Ég verð sannarlega að gæta mín svo ég deyi ekki úr KOFFÍN EITRUN! Ég er ekki kölluð svelgurinn fyrir ekkert..

Lestur lestur lestur lestur.........................

pepsipepsiKAFFIpepsipepsiKAFFI..

 

Hehe

Vaka að fara yfir um á koffíntrippi..

Já.. lestur, lestur, lestur...

Erfitt að byrja aftur eftir kræsingar, jólastemmingu og yndislega tíma með fjölskyldu og vinum.

Allt of næs að hafa engar áhyggjur og chilla. Ég ætti að hætta þessu og flytja aftur heim til mömms og pabbs.. Þetta nám er allt of mikil vinna!

Ég veit ekki hvað ég er að spá. Fyrst taka 6 ár í grunnnám. Og hér í Ungverjalandi. Og svo 3-6 ár sirka í sérnám einhverstaðar í útlöndum?

Hvert á ég að fara? Og hvað á ég að læra? Þetta er allt of flókið..

Mamma og pabbi eru svo góðir kokkar og lána mér oft bílinn.. Og ég þyrfti bara að næla mér í vasapening til að geta farið í bíó og keypt mér föt og farið út að skemmta mér..

Atvinnuleysisbætur?? Hvernig nær maður í svoleiðis? þá væri þetta pörfect.. Letilíf og bara gert það sem maður vill...

hehehe... Held ekki. Ég nenni bara ekki að læra akkúrat núna

Ætli ég haldi mig ekki í þessu námi.. Það er ekki alltaf sæla að fylgja draumnum

Þannig að þegar ég loksins klára verð ég orðin settleg frú? Iss það er langt þangað til og það er rosalega gaman að vera námsmaður..

Bara erfitt þegar maður situr á rassinum 14 tíma á dag og treður í hausinn á sér upplýsingum

En prófið er 17. jan.. oó

Það gengur vel að lesa og ég er bjartsýn.

 Golden gate

Þegar ég klára prófin er ég stungin af til KALIFORNÍU!! FÉKK MIÐA Í JÓLAGJÖF!?!! Hvað er ég að væla? Ég var í 3 vikur í chilli heima um jólin og svo 2 vikur í viðbót í chill?

Hlakka svakalega til og er þetta góð gulrót  til að hafa fyrir framan sig við lærdóminn. 

San Francisco úje! VERSLA ó já! Fara á gaybar? Hmm.. niiii held ekki

Sakna ykkar heima!!

 

Back to study..

Vaka Kristín

 

 

oó... Sælan er á enda. Er að fara heim á mánudag.

Búið að vera of gott að vera heima.. Æðislegt að vera heima um jól og áramót. Var síðast heima 2004!!

 

Dagur 1. Kæri jólasveinn.
Þakka þér ofboðslega hrikalega innilega fyrir að senda mér þennan talandi páfugl og perutréð fyrir hann til að sitja í, hann beit mömmu soldið fast í hendina þegar hún ætlaði að fara að gefa honum að borða og það þurfti að sauma 3 spor en þau eru öll góðir vinir núna.
Þakka þér fyrir, virðingarfyllst
Skrámur

Dagur 2. Kæri Jóli
Ég get ekki útskýrt hvað við vorum hissa að heyra frá þér aftur og fá að gjöf 2 dúfur til viðbótar, þú ert svo góður. Í fyrstu var fuglinn eitthvað afbrýðisamur útí dúfurnar og þau slógust mjög mikið kvöldið sem dúfurnar komu, við urðum að senda eftir dýralækninum og reikningurinn var 350kr. Mamma er búin að jafna sig og dúfurnar og páfuglinn horfa saman á sjónvarpið úr perutrénu.
Þinn einlægur
Skrámur

Dagur 3. Kæri Jóli
Við hljótum að vera eftst í huga þér þessi jól, ég var rétt búinn að líma frímerkið á bréfið til þín þegar 3 frönsku hænsnin bárust til okkar, það kom upp smá misskilningur milli hænsnanna og dúfnanna þannig að við þurftum að senda aftur eftir dýralækninum og reikningurinn var 650kr í þetta skiptið. Mamma var nú soldið svekkt ég verð nú að segja það, af því að fuglarnir kúkuðu ofan á hausinn á henni þegar hún var að horfa á sjónvarpið, þá fauk nú soldið í hana sko.
Þakka þér vinsældina, þinn
Skrámur

Dagur 4. Kæri Jóli
Þú hlýtur ekki að hafa fengið bréfið frá mér fyrst þú sendir okkur 4 syngjandi þresti, það varð allt brjálað og reikningurinn frá dýralækninum var 1300kr. Og mamma er á róandi. Ég veit að þú vilt okkur vel
Þinn vinur
Skrámur

Dagur 5. Kæri Jóli
Ertu orðinn kolvitlaus maður? 5 gullhringir. Þegar pakkinn kom var ég skíthræddur um að það væru fleiri fuglar því að lyktin í stofunni er orðin ógeðsleg. En ég vil ekki vera vanþakklátur í þinn garð
Þinn Skrámur

Dagur 6. Jóli?
Hvað ertu að reyna að gera okkur eiginlega? Það er ekki það að við kunnum ekki að meta gjafmildina þína en þessar 6 gæsir sem þú sendir okkur voru næstum því búnar að gera útaf við syngjandi þrestina og svo verptu þær eggin sín ofan á hausinn á dýralækninum og reikningurinn var 2500kr fyrir utan söluskatt, mamma byrlar 60gr af róandi á dag og talar við sjálfa sig. Þú verður að skilja mig.
Skrámur

Dagur 7. Jóli?
Þetta er ekkert fyndið hjá þér lengur. 7 syndandi hvítir svanir. Það gæti svo sem verið ofsalega rómó í bíó en ekki í baðkerinu á lítilli íbúð. Við komumst ekki lengur á klóið því að svanirnir eru alveg trylltir og ráðast á hurðina í hvert skipti sem við reynum að komast inn, ef þetta heldur svona áfram þá förum við mamma að lykta jafnógeðslega og teppið í stofunni. Hættu að senda, þetta er ekki sanngjarnt.

Dagur 8. Jóli?
Hver gefur þér eiginlega leyfi til þess að senda okkur 8 feitar mjaltakonur? Mér er bara spurn. Ha og beljurnar þeirra ruddust inn í garðinn okkar og hafa eyðilagt öll rósabeðin hennar mömmu og svanirnir gerðu innrás á stofuna og átu hárkolluna hennar mömmu og hún drekkur núna eina viskí á dag með 60gr af róandi. Ég er mjög svekktur útí þig.

Dagur 9.
Hlustaðu nú ófétið þitt. Það er nóg af illum öndum hérna í húsinu dag og nótt án þess að þurfa að senda okkur 9 snaróða trommandi bumbuslagara. 8 feitu mjaltakonurnar eru búnar að reka aumingja mömmu út úr hennar eigin eldhúsi og borða allt sem tönn festir á. Ég vara þig við. Þinn óvinur
Skrámur

Dagur 10.
Heyrðu mig nú feitabollan þín, ég vona að þú verðir ofsóttur af þessum 10 flautandi flautuleikurum sem þú sendir okkur í gærkvöldi og í ofanálag eru þessir bumbuslagarar trommandi dag og nótt. Við mamma getum ekkert sofið og ekki bætti nú úr skák að 8 feitu mjaltakonurnar voru syngjandi og dansandi með þeim. Sko ég meina þetta sko þetta er too much. Þú skalt fá þetta borgað.

Dagur 11.
Þú er búinn að gera útaf við hana mömmu, heldurðu að það hafi ekki verið nógu slæmt fyrir hana að hlusta á flautuleikarana, bumbuslagarana og 8 feitu mjaltakellingarnar djöflast útí garði allan sólarhringinn og nú hafa vinir þínir 11 álfar stökkvandi bæst í hópinn. Ég skal finna þig í fjöru.

Dagur 12.
Þú ert búinn að leggja líf okkar í rúst. 12 dansandi meyjarnar komu í gærkvöldi og slógust við 8 feitu mjaltakonurnar því þær komu að þeim með 11 álfunum stökkvandi. Það voru 8 sjúkrabílar hérna í gærkvöldi, mamma er komin á hæli og ég sit hérna í fuglaskít og drasli upp fyrir haus. Ég og húsið erum bara rústir einar. Ég veit að þú ert svekktur útí mig fyrir síðar þarna um árið en bojóboj þetta er fullmikið og ég segi það enn einu sinni og stendi við það. JÓLA HVAÐ!!!

Skreytti jólatréð bara rétt í þessu.. gerði samning við sjálfa mig. Ég mátti skreyta jólatréð og hita kakó en þá verð ég sem sagt núna að læra í 3 tíma í viðbót En það er allt í lagi.. sit við borðstofuborðið, drekk kakó og lít stundum upp með bros á á vör og horfi á fallega gervijólatréð mitt með plastkúlunum.Kertin standa á grænum greinum, gul og rauð og blá.. nei reyndar er þetta sería. Allt saman úr tesco, risavöxnum hypermarket..

Kakóið mitt er líka úr tesco mjólk sem er 0.1% fitu.. Ekki einu sinni kakóið er ekta, diet og engar smákökur.

Já jólin mín eru kannski artificial en  duga til að halda mér gangandi við bækurnar.

 

 Immunopathology próf á miðvikudag.

Jæja þá verð ég að efna samninginn við sjálfa mig.. LÆRA LÆRA!!!

Systkinin eru svaðalegir dansarar...

Villi, Vaka, Hanna og Þórunn

PRESENT

http://www.elfyourself.com/?id=1190867828

 

Heima hjá mér og Bjarti var haldið spilakvöld á föstudag.. Og svo fór ég heim til Ali´s að spila póker á laugardagskvöldið. Endaði í fjórða sæti af 12. Geri betur næst.. Verð að æfa mig grimmt. Æfa pókerfésið

 

Annars var það bara lærdómur og vitleysa inn á milli.

 

Það er kannski skemmtilegt að segja frá því að ég er búin að fá mér nýtt rúm.

Gamla rúmið mitt var horbjóður, varla mönnum bjóðandi, í rauninni bara grindin, 200x200, brotin botn og grútskítugt með gömlum klísturblettum.

Ég vildi losna við það. Landlordinn minn sagði að það væri hægara sagt en gert þar sem í Ungverjalandi er bara hægt að losna við gamalt dót einu sinni á ári, í maí. Þá setja allir dótið út á götu.

Þar sem ég vildi ólm losna við þetta hryllingsrúm sagðist ég bara redda þessu.

Ég hringdi á sölu með notuð húsgögn, Þeir mættu.. Ég var búin að taka gaflana af og setja fram. Karlinn sagði nagyon jól! þegar hann sá þá og græðgisglampi kom í augun. Hann hvarf strax þegar hann sá botninn.. Nem kössönöm.. Nem nem.. og svo rauk hann út og skildi mig eftir með sárt ennið og enn ruglaðri hvað ég ætti að gera.

Þessi botn var bara 200x200 og blýþungur. Ekki séns að koma þessu ferlíki út.

Það var seinni tíma vandamál. Fyrst þurfti að festa kaup á rúmi. Ég keypti fínt rúm í rúmfatalagernum en þurfti að bíða í 2 vikur eftir því.

Loksins var hringt í mig og ég fór þá og keypti sög. Keypti eina ódýra og litla og sagaði rúmið í 4 hluta. Blóð sviti og tár.

Við hliðina á okkur er nýlegt hús, enn verið að ganga frá lóð og spýturusl á víð og dreif.

Ég fór 8 ferðir niður með rúmhluta, rúmgafla og risa skúffur sem voru undir rúminu og henti bara í næsta garð. ALGJÖR?

En gaflarnir og skúffurnar lágu þar ekki lengi, hurfu bara strax. Einhver ungverji sáttur núna.

Ég keypti myndir og alls kyns fínerí og nú er herbergið mitt rosa fínt

Alltaf þegar ég kem inn í herbergið mitt líður mér einstaklega vel. Kannski því ég þurfti að hafa svo rosalega fyrir því að gera það svona fínt? Kannski því rúmið mitt er svo þægilegt að ég tími ekki að vakna á morgnana. Kannski því það hefur aldrei verið mín sterka hlið? 

Hvað var ég þá að spá að fá mér svona þægilegt rúm???!!!